A comisión organizadora dos Encontros convoca por primeira vez o xantar de irmandade de Nadal que, como non podía ser doutro xeito, será en Herbón o domingo día 15 de decembro.
O convento estará aberto dende primeiras horas da mañán para acoller a todos os que queiran visitar as instalacións deste antigo colexio franciscano e hoxe convento sen frades.
Está prevista unha misa ao mediodía, aínda que polo de agora sen confirmar.
O xantar celebrarase en dependencias do colexio ás 14.00 horas e consistirá en aperitivos varios, vieiras ao forno, cordeiro con ensalada, tarta de améndoa, viños da bisbarra, café e cava.
A comisión organizadora, que preside Xoán Carpintero (carpinterortv@activagalicia.com, 699 621 437), agradece que os exalumnos interesados o comuniquen canto antes co fin de facer xa os preparativos precisos.
Fuente RSS
